GDN திரைவிமர்சனம்

GDN திரைவிமர்சனம்

விஜய் மூலனின் வர்கீஸ் மூலன் பிக்சர்ஸ் மற்றும் மாதவன் – சரிதா மாதவனின் டிரைகலர் பிலிம்ஸ் ஆகிய நிறுவனங்கள் தயாரிப்பில் கிருஷ்ணகுமார்ராமகுமார் இயக்கத்தில் மாதவன், சத்யராஜ், ஜெயராம், பிரியாமணி, அதிதிபாலன், துஷாரா விஜயன், கருணாகரன் மற்றும் பலர் நடித்து ஆகஸட் 7ல் வெளியாகும் படம் GDN.

கதை

இந்தியாவில் பிரிட்டிஷ் ஆட்சிக் காலத்தில் தனது அபார அறிவால் புகழ்பெற்ற, பழம்பெரும் இந்தியக் கண்டுபிடிப்பாளரான ஜி.டி. நாயுடு வாழ்க்கை அரசு பாட புத்தகத்தில் வரவேண்டும் என்று அதிதி பாலன் சொல்ல அதற்கு குழு அவர் நல்லவர் அல்ல என்று மறுக்க அவரது வாழ்க்கை வரலாறை படிக்க சொல்லி புத்கமாக கொடுக்க GDN வாழ்க்கை ஆரம்பமாகிறது. மூன்றாவது படிக்காமலே பல அரிய கண்டுபிடிப்புகள் கண்டுபிடித்து புகழ் பெற அவரை பிடிக்காத வில்லன் வருமான அதிகாரியான ஜெயராம் மூலம் தொல்லை கொடுக்கிறார். மாதவனோ நியாயமான வரியை கட்டும் அவர் பெனால்ட்டி வரியை கட்ட மறுக்கிறார். அதன் பிறகு ஜெயராம் நியாயம் இல்லாத வரியை கட்டசொல்லி மாதவனுக்கு பல தொந்தரவுகளை கொடுக்கிறார். மாதவன் அந்த அநியாயமான வரியை கட்டினாரா? அதிதி பாலன் GDN வாழ்க்கை வரலாற்றை பாட புத்தகத்தில் இடம்பெற செய்தாரா? என்பதே படத்தின் மீதிக்கதை.

மாதவன் புகழ்பெற்ற கண்டுபிடிப்பாளரும் பொறியாளருமான ஜி.டி. நாயுடுவின் கதாபாத்திரத்தில் நடித்திருக்கிறார் என்பதைவிட அந்த கதாபாத்தகரமாக வாழ்ந்திருக்கிறார். மாதவன் மனைவியாக பிரியாமணி, துஷாரா விஜயன் சிறப்பாக நடித்திருக்கிறார். சத்யராஜ் நடிப்பும் அருமை. வில்லனாக ஜெயராம் சிறப்பாக நடித்திருக்கிறார்.
சின்ன வது மாதவனாக நடித்தவரும் அவருக்கு மனைவியாக நடித்த ஷீலாவும் சிறப்பாக நடித்திருக்கிறார்கள். கருணாகரன், தம்பிராமைய்யா, வினய், பிரகிடா என இதில் நடித்திருக்கும் அனைவரும் அவரவர் கதாபாத்திரம் உணர்ந்து சிறப்பாக நடித்துள்ளனர்.
கோவிந்த் வசந்தாவின் இசையில் பாடல்களும் பிண்ணனி இசையும் ரசிக்கவைக்கிறது. அரவிந்த் கமலாநாதன் ஒளிப்பதிவு படத்திற்கு பெரய பலம்.

இயக்குநர் கிருஷ்ணகுமார் ராமகுமார் ஜிடி நாயுடுவின் வாழ்க்கை வரலாற்றை கமர்ஷியலாக எல்லோரும் பார்த்து ரசிக்கும்படி சொல்லியிருக்கிறார். பாராட்டுக்கள். பல அவார்டுகளும் கிடைக்கும். வாழ்த்துக்கள்.

மதிப்பெண் 4/5