மகுடம் திரைவிமர்சனம்

இயக்குநராக ஜெயித்தாரா விஷால்?

சூப்பர்குட் தயாரிப்பில் விஷால் நடித்து இயக்கியிருக்கும் திரைப்படம் மகுடம். இதில் அவருடன் அஞ்சலி, துஷாரா விஜயன், ஜான் விஜய், தம்பி ராமைய்யா மற்றும் பலர் நடித்து வெளியாகியிருக்கும் படம் மகுடம்.

கதை

கிருபாகரன் (விஷால்) ஒரு மெடிக்கல் ரெப். மனைவி ஜமுனா(துஷாரா விஜயன்), இரண்டு பிள்ளைகளுடன் வசிக்கிறார். விஷால் மாமனாரிடம் (தம்பி ராமைய்யா) தன்னிடம் கார் இருப்பதாக பொய்சொல்லி துஷாராவை திருமணம் செய்து கொள்கிறார். அந்த பொய்யை பல விதங்களில் சமாளிக்க ஒரு கட்டத்தில் BMW கார் வாங்குகிறார். அந்த காரில் குடும்பத்துடன் டூர் போகிறார். அப்போது ஏதிர்பாராத விதமாக கேங்ஸ்டர்களால் தனது மனைவி மகள் துபபாக்கியால் சுட்டு கொள்ளப்படுகிறார்கள். அதில் இருந்து மகனுடன் தப்பிக்கும் விஷால் தன் மனைவி மகள் இறப்புக்கு காரணம் தன் அப்பா டான் விங்கா(விஷால்) தான் காரணம் என பொங்கி எழுகிறார். அதன்பிறகு என்ன நடந்தது? அப்பா விஷால் ஏன் டான் ஆனார்? அப்பா விஷாலுடன் மகன் விஷால் இணைந்தாரா? தன் மனைவி மகளை கொன்றவர்கள் யார்? எதற்காக கொன்றார்கள்? என்பதெற்கெல்லாம் விடை சொல்வதே மகுடம் படததின் கதை.

விஷால் முதன் முதலில் இயக்கியிருக்கும் படம் அதை எல்லோரும் பார்த்து ரசிக்கிற மாதிரி எடுத்திருக்க வேண்டாமா? இரட்டை வேடங்களில் விஷால் நடிப்பிலும் சண்டைக்காட்சிகளிலும் நடனத்திலும் சிறப்பாகவே தடித்துள்ளார். அவரது மனைவியாக துஷாரா விஜயன், அஞ்சலி சிறப்பாக நடித்துள்ளார்கள். ஜான் விஜய், ஜெயப்பிரகாஷ், தம்பி ராமைய்யா, ஜாவா சுந்தரேசன் என இதில் நடித்திருக்கும் அனைவரும் அவரவர் கதாபாத்திரம் உணர்ந்து சிறப்பாக நடித்துள்ளனர்.
ரிச்சார்ட் M நாதன், அபி நந்தன் ஒளிப்பதிவு படத்திற்கு பலம்.
G. V. பிராகாஷ் இசையில் பாடல்களும் பிண்ணனி இசையும் ரசிக்குவைக்கிறது.

இயக்குநர் விஷால் இந்த படத்தை 3 மணி நேரம் 5 நிமிடம் எடுத்து நம்மை சோதித்துவிட்டார். அவரது இயக்கத்தில் அடுத்து நல்ல படத்தை எதிர்பார்க்கிறோம். ஆட்டோமொபைல் ஸ்பேர் பார்ட்ஸ் பற்றிய விழிப்புனர்வை சொல்லியதற்கு பாராட்டுக்கள்.