Ram and Leela Movie Review
டிரைடண்ட் ஆர்ட்ஸ் தயாரிப்பில் இயக்குநர் ராமசந்திரன் கண்ணன் இயக்கத்தில் ரியோ ராஜ், வர்த்திகா நடித்து ஆகஸ்ட் 21ல் வெளியாகும் படம் ராம் & லீலா
கதை
கதாநாயகன் ரியோ
திருமணத்துக்காக பெண் தேடும் இண்டர்வியூ பயணத்தில் தொடர்ந்து பல்பு வாங்குகிறார். எப்படியாவது ஒரு பெண் கிடைத்து விட்டால் போதும் என நினைத்துக் கொண்டிருக்கும் நிலையில், லோக்கல் டிரைனில் அழகு தேவதையாக லீலா (வர்த்திகா) என்ட்ரி கொடுக்கிறார். அதே சமயம் ரகு ராமுக்கு ராம் எனும் நண்பனும் பழக்கம் ஆகிறார். 25 நாட்கள் ஹீரோயினை ரயிலில் மாறி மாறி பார்த்துக் கொண்டே இருக்கும் ஹீரோ காதலை சொல்ல வர, நீங்க ராம் தானே தெரியும் என ஹீரோயின் முந்திக்கொள்ள ராமுக்குள் லீலா காதலியாக ஃபிக்ஸ் ஆகிவிடுகிறாள்.
ஆனால், 6 மணிக்கு மேல என்னை பார்க்கவோ, பேசவோ கூடாது என அவள் போடும் அந்த ஒரு கண்டிஷனுக்கும் ஓகே சொல்லி பெண் கிடைத்தால் போதும் என காதலிக்கத் தொடங்கும் ராம் திருமணம் நிச்சயம் ஆன பின்னரும், அதே கண்டிஷனை லீலா போடும் இடத்தில் டென்ஷன் ஆகிறார். லீலா அந்த கண்டிஷனை ஏன் போடுகிறாள்? 6 மணிக்கு மேல அவளுக்கு என்ன பிரச்னை? 6 மணிக்கு மேலே லீலாவை ராம் பார்த்தானா? பார்த்த பிறகு இருவருக்கும் இடையே திருமணம் நடந்ததா? இல்லையா? என்பதுதான் படத்தின் மீதிக்கதை.
கதாநாயகனாக ரியோ சிறப்பாக நடித்துள்ளார்.
கதாநாயகியாக அழகு தேவதையாக வர்த்திகா கொடுத்த கதாபாத்திரத்தை சிறப்பாக செய்துள்ளார்.
நாயகனின் தந்தையாக நடித்திருக்கும் சேத்தன், அம்மாவாக நடித்திருக்கும் மாளவிகா அவினாஷ், தங்கையாக நடித்திருக்கும் தாஃபியா அபு, மாமனாக நடித்திருக்கும் முனீஷ்காந்த், நண்பராக நடித்திருக்கும் பாலாஜி தியாகராஜன் தயாளன், நாயகியின் அம்மாவாக நடித்திருக்கும் தீபா வெங்கட், மாமனாக நடித்திருக்கும் மாகாபா, தாத்தாவாக நடித்திருக்கும் காத்தாடி ராமமூர்த்தி என எல்லோரும் சிறப்பாக நடித்திருக்கிறார்கள். மல்லிகா அர்ஜூனின் ஒளிப்பதிவு படத்திற்கு பலம்.
அன்கித் மேனன் இசையில் பாடல்கள் பிண்ணனி இசை ரசிக்கும்படியாக உள்ளது.
காதலி பிரச்சனை தெரிந்த பிறகு, காதலர்கள் ஒன்று சேர்வதில் இருக்கும் சிக்கல், அந்த சிக்கலை தாண்டிய காதலையும், அந்த உணர்வையும் வெளிப்படுத்தும் விதம், கல்யாணத்தை காமெடி கலாட்டாவாக கையாண்ட விதம் ஆகியவற்றின் மூலம் படத்தில் இருக்கும் சில குறைகளை மறக்கடித்து, சிரித்து மகிழும்படியான படமாக கொடுத்திருக்கிறார் இயக்குநர் ராமச்சந்திரன் கண்ணன்.