பியார் பிரேமா கல்யாணம் விமர்சனம்

பியார் பிரேமா காதல், ஸ்டார் படங்களை இயக்கிய இயக்குநர் இளன் இயக்கி நடித்துள்ள பியார் பிரேமா கல்யாணம்.
இளனுக்கு ஜோடியாக குடும்பஸ்தன் படத்தில் நடித்த சான்வீ மேக்னா நடித்துள்ளார்.
ராதிகா சரத்குமார், செந்தில், எம்.எஸ். பாஸ்கர், இளங்கோ குமரவேல், யோகி பாபு, மாறன் மற்றும் பலர் நடித்து நெட்பிளிக்ஸில் வெளியாகியுள்ள படம்.

கதை

துபாயில் வேளை பார்த்துக் கொண்டிருக்கும் இளன் அந்த வேலை பிடிக்காமல் வீட்டுக்கு வந்து விடுகிறார். இங்கே அவருக்கு ஒரு பெண் பார்க்கின்றனர். ஆனால், பெண் பார்க்கச் செல்லும் இளன் சோஷியல் மீடியா இன்ஃப்ளூயன்சர் பவி (சான்வீ மேக்னா) தான் பெண் என தவறாக நினைத்து அவர் மீது காதலில் விழுகிறார். ஆனால், அப்பா எம்.எஸ். பாஸ்கர் பார்க்கச் சொன்ன பெண் வேறு என்பது தெரிந்ததும், அந்த பெண்ணை அவாய்ட் பண்ண இவர் பேசினதை சோஷியல் மீடியா இன்ஃப்ளூயன்சரான பவி வீடியோவாக எடுத்துப் போட்டு ரெட் ஃபிளாக் என இளன் ஒரு ஆணாதிக்கவாதி என வீடியோ வெளியிட்டு அசிங்கப்படுத்து விடுகிறார். இதன்பிறகு
பவியை தேடிப் பிடித்து நடந்த விஷயத்தை சொல்லி அவரை காதலிக்கும் விஷயத்தை இளன் சொன்னதும் பவிக்கும் அவரை பிடித்து விட இருவருக்கும் திருமணம் நடைபெறுகிறது. திருமணம் முடிந்ததும் பவி மாப்பிள்ளை வீட்டுக்குச் சென்றுவிடுவார் என்று நினைத்து அவரது அம்மா ராதிகாவின் கண்ணீரை பவி பார்த்ததும் மண்டபத்தை விட்டு தெறித்து ஓடுகிறார். பின்னாலே இளன் ஓடி
அதற்கான காரணத்தை கேட்க, என்னால எங்க வீட்டை விட்டு வர முடியாது என சொல்லும், ஹீரோயின், நீ எங்க வீட்டுக்கு வா என சொல்கிறார். பவி மீதான காதல் காரணமாக வேலை வெட்டி இல்லாத ஹீரோ ஹீரோயின் வீட்டுக்கு வீட்டோட மாப்பிள்ளையாக செல்ல அங்கே அவருக்கு நடக்கும் கொடுமைகள், அதன் பின்னர் கிளைமேக்ஸில் என்ன ஆகிறது என்பதுதான் பியார் பிரேமா கல்யாணம் படத்தின் மீதிக்கதை.

இளன் நடிப்பில் நன்றாக ஸ்கோர் செய்துள்ளார். நல்ல நடிகராக வளம் வருவார்.
கதாநாயகியாக சான்வீ மேக்னா சிறப்பாக நடித்துள்ளார்.
ராதிகா சரத்குமார், செந்தில், எம்.எஸ். பாஸ்கர், இளங்கோ குமரவேல், யோகி பாபு, மாறன், காதா கைலாசம், ராஜா ராணி பாண்டியன், மோகனபிரியா, ஆருஷ், ராஜாமணி என எல்லோருமே சிறப்பாக நடித்துள்ளனர்.
தினேஷ் கே பாபுவின் ஒளிப்பதிவு அருமை. யுவன் சங்கர் ராஜாவின் இசையில் பாடல்களும் பிண்ணனி இசையும் படத்திற்கு பெரிய பலம்.

காலம் காலமாக திருமணமாகி பெண்கள் மாப்பிள்ளை வீட்டுக்குச் செல்லும் வழக்கத்தை மாற்றியமைத்து, பெண்கள் எப்படி எல்லாம் கஷ்டப்படுகின்றனரோ அந்த கஷ்டங்களை எல்லாம் ஆண்கள் சந்தித்தால் எப்படி இருக்கும் என்பதை எல்லோரும் ரசிக்கும்படி நடித்து இயக்கியுள்ளார் இளன். பாராட்டுக்கள்.