சன் பிக்ஸர்ஸ் தயாரிப்பில்
அருண் மாதேஸ்வரன் இயக்கத்தில் லோகேஷ் கனகராஜ், வாமிகா கபி, சஞ்சனா கிருஷ்ணமூர்த்தி, அவினாஷ் ரகுதேவன் மற்றும் பலர் நடித்து வெளியாகியருக்கும் படம் DC.
டிசி என்றால் தேவதாஸ், சந்திரா.
கதை
காவல்துறையிடம் இருக்கும் துப்பாக்கிகளை லோகேஷ் கனகராஜும் அவரின் கேங்கும் கொள்ளையடிக்கின்றனர். கொள்ளையடித்த ஆயுதங்களை விற்பனை செய்கிறார்கள். இந்த வேளையில், மகனின் படிப்பிற்காக 7 லட்சத்தை வைத்திருக்கும் ஒரு தந்தையைக் காசுக்காக காவல்துறை அதிகாரி கொன்று புதரில் வீசியது தெரிய வருகிறது. பாதிக்கப்பட்டவரின் குடும்பம் தேவதாஸான லோகேஷ் கனகராஜிடம் உதவி கேட்க, காவல்நிலையத்திற்குள்ளே சென்று அந்த அதிகாரியைத் தன் குழுவினருடன் கொடூரமாக அடித்துக்கொல்கிறார் லோகேஷ். பின், தன் குழுவுடன் அடைக்கலத்திற்காக சென்னை செல்கிறார். அங்கு பாடகியான சஞ்சனா கிருஷ்ணமூர்த்தி மேல் ஈர்ப்பு வர, சில நாள்கள் அங்கே இருக்கிறார். ஆனால், அவரைத் தேடி வரும் காவல்துறையால் பெரிய அசம்பாவிதம் நடக்கிறது. அந்த அசம்பாவிதத்தில் சஞ்சனா போலிசாரால் கொள்ளப்படுகிறார். போலிஸிடம் லோகேஷ் சிக்கிக்கொள்கிறார். அதன்பின் கதை சூடிபிடிக்கிறது. தேவதாஸ் கதாபாத்திரத்தில் நடித்த லோகேஷ் ஏன் வன்முறைப் பாதையைத் தேர்ந்தெடுத்தார்? காவல்துறைக்கும் கேங்ஸ்டர்கள் என அறியப்படும் இவர்களுக்கும் ஏன் இந்த மோதல்கள்? என்பதை சுவாராஸ்யமாக சொல்லியிருப்பதே படத்தின் மீதக்கதை
கதாநாயகனாக லோகேஸ் கனகராஜ் நடிப்பிலும் ஆக்ஷன் காட்சிகளிலும் சிறப்பாக நடித்துள்ளார்.
காதலியாக பாடகி பாத்திரத்தில் சஞ்சனா கிருஷ்ணமூர்த்தி சிறப்பாக நடித்துள்ளார்.
சந்திரவாக நடிகை வாமிகா கபி அசத்தலான கதாபாத்திரத்தில் மிரட்டியிருக்கிறார். லோகேஷ் குழுவினராக நடித்தவர்கள், காவல்துறை அதிகாரியான ஸ்ரீ கிருஷ்ண தயாள் நன்றாக நடித்துள்ளார்கள்.
கஸ்தூரிராஜவின் நடிப்பும் அருமை.
அனிருத்தின் இசை படத்திற்கு பெரிய பலம்.
முகேஷ் ஜியின் ஒளிப்பதிவு அருமை. ஜிகே பிரசன்னாவின் எடிட்டிங்கும் சிறப்பு.
இயக்குநர் அருண் மாதேஸ்வரன் கேங்ஸ்டர் கதையை எல்லோரும் ரசிக்கும்படி கொடுத்துள்ளார். பாராட்டுக்கள்.