தியாழினி கிரியேஷன்ஸ் மற்றும் லத்திகா புரொடக்ஷன்ஸ் நிறுவனங்கள் தயாரிப்பில், இயக்குநர் பூலோகம் ரவி இயக்கத்தில், அறிமுக நாயகன் மும்பை முத்து நடிப்பில் உருவாகியிருக்கும் படம் ‘சேரநாட்டு யானைதந்தம்’. எதார்த்தமான கிராமத்து காதல் கதையாக உருவாகியுள்ள இப்படத்தில் ராஜசிம்மன், பாண்டி அக்கா, விஜயன் தியாகராஜன் உள்ளிட்ட பல முன்னணி நடிகர்கள் முக்கிய கதாபாத்திரங்களில் நடித்திருக்கிறார்கள்.
ஏ.சி.குமரேசன் இசையமைத்திருக்கும் இப்படத்திற்கு எஸ்.பார்த்திபன் ஒளிப்பதிவு செய்திருக்கிறார். கணேஷ் குமார்.டி படத்தொகுப்பு செய்ய, யுகபாரதி மற்றும் தோழன் பாடல்கள் எழுதியுள்ளனர். ஆக்ஷன் பிரகாஷ் சண்டைக்காட்சிகளை வடிவமைக்க, வெங்கல் ரவி கலை இயக்குநராக பணியாற்றியிருக்கிறார். பாலகுமாரன் ரேவத் நடனக் காட்சிகளை வடிவமைத்திருக்கிறார் பி.ஆர்.ஓ-வாக விஜய் கார்த்திக் பணியாற்றுகிறார்.
வையாபுரி குமார் தயாரித்திருக்கும் இப்படத்திற்கு, அஸ்வசக்தி முத்து பழனிசாமி, லத்திகா புரொடக்ஷன்ஸ் சசி, ஏ.கே.கோவிந்தராஜ் ஆகியோர் இணை தயாரிப்பாளர்களாக பணியாற்றியுள்ளனர்.
வரும் டிசம்பர் 4 ஆம் தேதி திரையரங்குகளில் வெளியாக உள்ள ‘சேரநாட்டு யானைதந்தம்’ படத்தின் பாடல்கள் மற்றும் டிரைலர் வெளியீட்டு விழா டிசம்பர் 21 ஆம் தேதி, சென்னை பரணி ஸ்டுடியோவில் நடைபெற்றது. இதில், இயக்குநர்கள் பேரரசு, சுப்பிரமணிய சிவா, பி.ஆர்.ஓ விஜயமுரளி, விநியோகஸ்தர் ஜின்னா ஆகியோர் சிறப்பு விருந்தினர்களாக கலந்து கொண்டார்கள்.
நிகழ்ச்சியில் நடிகர் விஜயன் தியாகராஜன் பேசுகையில், “இவ்ளோ பேரு வந்து எங்களை ஊக்குவிப்பது ரொம்ப சந்தோஷம், ரொம்ப நன்றி. இந்த நிகழ்ச்சி வந்து எப்படி சிறப்பாக சிறப்பித்தது போல், எங்கள் படத்தையும் திரையரங்கிற்கு சென்று பார்த்து ஓட வைக்க வேண்டும், என்று கேட்டுக்கொள்கிறேன். ரொம்ப நன்றி.” என்றார்.
’சிந்துநதி பூ’ புகழ் இயக்குநர் செந்தமிழன் பேசுகையில், “சிறப்பு விருந்தினர்களுக்கும் விழாவினை சிறப்பிக்க வருகை தந்துள்ள இயக்குநர் தயாரிப்பாளர்களின் நட்பு மற்றும் சொந்தங்களுக்கும் ’சேரநாட்டின் யானை தந்தம்’ படத்தில் இயக்குநர் மற்றும் தொழில்நுட்ப கலைஞர்கள் கதாபாத்திரங்களுக்கு உயிர் கொடுத்துள்ள கலைஞர்களுக்கும் பத்திரிக்கை தொலைக்காட்சி இணையதள ஊடகத்துறை நண்பர்களுக்கும் எனது பணிவான வணக்கத்தை தெரிவித்துக் கொள்கிறேன். பூலோகம் ரவி என்ற பெயர் எப்படி வந்தது, என்பதை நான் சொல்ல வேண்டும், என்று நினைத்தேன். ஆனால், தொகுப்பாளர் நண்பர் அதை சொல்லிவிட்டார். இதற்கு பூலோகம் ரவி தான் இதுக்கு விளக்கம் சொல்லியிருக்கணும் அது எங்களுக்கு கொஞ்சம் கெளரமா இருக்கும், இவர் முன்னாடி சொல்லிட்டாரு அப்புறம் ரவியை மறந்து விடக்கூடாது என்று என்ன நடந்தது என்று நான் சொல்றேன். ’சிந்துநதிப் பூ’ ’சேரன் சோழன் பாண்டியன்’ படங்களுக்கு பிறகு கொடுமுடி மனோகர் என்ற ஒரு துணை இயக்குநர் மூலம் ரவி எனக்கு அறிமுகமானார். அப்போது நாங்கள் இருவரும் சேர்ந்து ஒரு நண்பரின் படத்தில் பணியாற்றினோம். அந்த படத்தின் போது தான், ரவியிடம் நீங்க என்ன பெயர் வச்சிக்க போறீங்க, என்று கேட்டேன். ரவி என்ற பெயரில் ஏகப்பட்ட பேர் இருக்காங்க, அதனால் அடையாளமாக பெயருக்கு முன்னாடி எதாவது சேர்த்துக்குங்க, என்று சொன்னேன். அப்போது எதை சேர்க்கலாம் என்ற யோசனை வந்த போது, ரவி அவங்க அம்மா பற்றி அடிக்கடி சொல்லிக்கொண்டே இருப்பார், உடனே உங்க அம்மா பெயரான பூலோகத்தை சேர்த்துக்கலாமே, என்று சொன்னேன். அப்படி தான் ரவி பூலோகம் ரவியாக மாறினார்.
பூலோகம் ரவி பாக்யராஜ் சாரை தனது மானசீக குருவாக ஏற்றுக்கொண்டவர். அவரைப் பற்றி ரொம்பவே சிலாகித்து பேசுவார். அவர் படத்தில் வரும் காட்சி, வசனங்கள் அனைத்தும் ரவிக்கு அத்துப்படி. பாக்யராஜ் சார் ஒரு திரைக்கதை மன்னன், இந்திய அளவில் பாராட்டப்பட்டவர், அவர் ஒரு லெஜண்ட். எனவே, இந்த ‘சேரநாட்டு யானை தந்தம்’ படத்தின் திரைக்கதை அவரோட மானசீக குருவின் பாணியில் பூலோகம் ரவி மிக சிறப்பாக பண்ணியிருப்பார் என்று நான் நம்புகிறேன், எதிர்பார்க்கிறேன். படம் தயாரான பிறகு என்னை பார்க்க சொல்லி அழைத்தார், இரண்டு முறை வாய்ப்பு வந்தும் என்னால் பார்க்க முடியாமல் போய்விட்டது. சீக்கிரமே படத்தை பார்க்க வேண்டும் என்ற ஆர்வம் இருக்கிறது. ‘பாரதி கண்ணம்மா’ படம் வெளியான போது, அந்த படத்தை பார்த்த கே.எஸ்.ரவிக்குமார் சார், ”சேரன் நம்ம கூட்டத்தில் இருந்தவனா, நம்ம ஆளாடா இப்படி ஒரு படத்தை எடுத்திருக்கிறான்” என்று சொன்னாராம். அதே பீலிங் தான் இந்த படத்தின் பாடல்கள் மற்றும் டிரைலரை பார்க்கும் போது எனக்கு ஏற்படுகிறது. எங்களுடன் பயணித்த மற்ற நண்பர்களுக்கும் இதெ பீலிங் தான் ஏற்பட்டிருக்கும் என்று நினைக்கிறேன். அந்த அளவுக்கு படத்தை மிக சிறப்பாக பண்ணியிருக்காங்க.
இசையமைப்பாளர் குமரேசன் அருமையான பாடல்களை கொடுத்திருக்கிறார். பாடல்கள் தொடர்ந்து ஒளிபரப்பினாலும், எப்பா இது…என்ற உணர்வு ஏற்படாமல், பாடல்களுடன் பயணித்த அனுபவம் ஏற்பட்டது. பாடல்கள் அனைத்தும் சுகமான அனுபவத்தை கொடுத்தது. படத்தின் டிரைலர் நல்லா இருக்கும். படம் டிசம்பர் 4 ஆம் தேதி வெளியாகிறது. நிச்சயம் படம் பெரிய வெற்றி பெறும் என்ற நம்பிக்கை இருக்கிறது.
எனோட ‘சிந்துநதி பூ’ படத்தின் போது இப்போதுள்ள இணையதளம் மற்றும் சோசியல் மீடியா வசதிகள் இருந்திருந்தால் பாடல்கள் எந்த அளவுக்கு பிரபலமடைந்திருக்கும் என்று நினைத்து பார்க்கிறேன். ஆனால், எனக்கு இப்போதும் ஒரு அடையாளமாக இருப்பது அந்த படமும், பாடல்களும் தான். அந்த பாடல்கள் வாங்கியது ஒரு பெரிய கதை. பாடல்கள் குறித்த நேரத்தில் வரவில்லை என்று நான் கோபமடைந்து வைரமுத்து சாரின் உதவியாளரிடம், உங்க பாடலாசிரியர் அறிமுக இயக்குநருக்கு உடனே பாடல் கொடுக்க மாட்டாரா, நிங்க மெட்டு ஆடியோ மற்றூம் அட்வான்ஸ் பணத்தை திருப்பி கொடுங்க, என்று சொல்லி விட்டேன். அதன் பிறகு வைரமுத்து சாருக்கு விசயம் போய், அவர் என்னை அழைத்தார். அப்போது எனக்கு பேச்சே வரவில்லை, அப்போது தான் அவர் சொன்னார், நல்ல மெட்டு இருக்கு இதற்கு சாதாரணமான வார்த்தைகளை போட்டு விட முடியுமா, புதிய வார்த்தைகளை தேடிக்கொண்டிருக்கிறேன். சிறப்பாக செய்ய வேண்டும் அல்லவா, என்று சொன்னார். அதேபோல், அந்த படத்திற்கு அவர் சிறப்பான பாடல் வரிகளை கொடுத்தார். அதுபோல் பூலோகம் ரவியும் அவருடைய படத்திற்கு மிக அருமையான பாடல்களை கொண்டு வந்திருக்கிறார். மீண்டும் இந்த படக்குழுவினர் அனைவருக்கும் வாழ்த்துகளை தெரிவித்துக் கொள்கிறேன். நான் பிரார்த்தனை செய்து கொள்கிறேன், ரவி நீங்க நிறைய படங்கள் இயக்கி பிஸியான இயக்குநராக வருவீர்கள், என்று வாழ்த்துகிறேன்.” என்றார்.
ஆக்ஷன் பிரகாஷ் பேசுகையில், “இந்த படத்தில் கடைசியில் இணைந்தது நான் தான். நாயகன் மும்பை முத்து இந்த படத்திற்காக கடுமையாக உழைத்திருக்கிறார். அவர் கொடுத்த ஒத்துழைப்பால் படம் சிறப்பாக வந்திருக்கிறது. படம் நிச்சயம் அனைவருக்கும் பிடித்தது போல் இருக்கும். உங்களுடைய ஆதரவு எங்களுக்கு வேண்டும், நன்றி.” என்றார்.
நடிகர் காந்தராஜ் பேசுகையில், “நிகழ்ச்சிக்கு வந்த ஜாம்பவாங்களுக்கு நன்றி. இந்த படத்தில் நாளு ஐந்து காட்சிகள் நடித்திருக்கிறேன். இந்த படத்திற்காக பூலோகம் ரவி ரொம்பவே கஷ்ட்டப்பட்டிருக்கிறார். அதை உடன் இருந்து நான் பார்த்தேன். முதலில் படப்பிடிப்பு திட்டம் போடுவார்கள், பிறகு அது நடக்காமல் போகும், நேரம் மட்டுமே போகும் வேலை நடக்காது. இதனால் நாங்க அனைவரும் அப்செட் ஆகிவிடுவோம். அடுத்து என்ன பண்றது என்று தெரியாது. பட்ம எடுக்கிறது சாதாரண விசயம் கிடையாது. படப்பிடிப்பின் போது அவ்வளவு பிரச்சனைகளை பேஸ் பண்ணியிருக்கோம். அனைத்து பிரச்சனைகளையும் தாண்டி, மனம் தளராமல் ரவி தொடர்ந்து உழைத்துக் கொண்டே இருப்பார். யாரிடமும் எந்த வருத்தத்தையும் காட்டிக்கொள்ள மாட்டார், ஜாலியாக இருப்பார். கடவுள் நம்முடன் இருக்கிறார், நாம் கண்டிப்பாக ஜெயிப்போம் என்று சொல்லிக்கொண்டே பயணிப்பவர்.
செந்தமிழன் சார் இயக்கியிருக்கும் ‘பிடிவாதம்’ படத்துல ஒரு நல்ல கேரக்டர் கொடுத்தார். இதுவரைக்கும் நான் தமிழ் சினிமாவுல வாங்குன அதிக சம்பளம் எனக்கு அவர்தான் கொடுத்தாரு. குருவே மிஞ்சிய சிஷ்யன் சொல்லுவாங்கல்ல அந்த மாதிரி இந்த படத்துல இதுவரைக்கும் நான் 22 வருஷமா இந்த பீல்டில் இருக்கிறென். இதுவரை நான் வாங்காத ஒரு பெரிய தொகையை பூலோகம் ரவி எனக்கு சம்பளமாக கொடுத்தார். எனக்கு மட்டும் இல்ல என் கூட நடிச்ச நண்பர் யுவன்சுவானுக்கும் பெரிய சம்பளத்தைகொடுத்து இருக்காரு. இந்த படத்தில் நடித்ததால் சொல்லவில்லை, இந்த படத்தை பார்த்து விட்டேன், ஒரு ரசிகனாக சொல்கிறேன், படம் மிக சிறப்பாக வந்திருக்கிறது. எதிர்பார்க்காமல் இந்த படத்தை பாருங்கள், உங்கள் மனதில் என்ன படுகிறதோ அதை தெள்ளத் தெளிவாக உங்கள் நண்பர்களிடம் சொல்லி, அவர்களையும் படம் பார்க்க சொல்லுங்கள். படம் வெற்றியடைய கடவுளை பிரார்த்திக்கிறேன்.” என்றார்.
விநியோகஸ்தர் பிரைடே பிக்சர்ஸ் ஜின்னா பேசுகையில், “சிறிய படம், பெரிய படம் என்பது கிடையாது. அருமையான கதை, நல்ல கண்டெண்ட் உள்ள படங்களை சரியான முறையில் திரையரங்கில் கொண்டு போய் சேர்க்க வேண்டும். அப்படி சேர்க்கும் போது, தற்போதைய சூழ்நிலையில் 25 பேர் காலைக்காட்சிக்கு வந்தாலே, படம் நன்றாக இருந்தால் அந்த 25 பேர் நண்பர்களுக்கு செய்தி அனுப்பு, சோசியேல் மீடியாவில் மெசஜ் போட்டு, அது 50 ஆகவும், 100 ஆகவும் மாறி படம் பெரிய வெற்றி பெறும். அப்படி தான் தற்போது பல படங்கள் வெற்றி பெற்று வருகிறது.
சினிமாவை முழுமையாக நேசித்த ஒரு இயக்குநர் பூலோகம் ரவி. அவர் என்னை சந்தித்து அரை மணி நேரம் பேசினார். சினிமாவில் அடுத்தடுத்து என்ன பண்ணனும், இன்னும் என்ன மாதிரியான விளம்பரங்கள் செய்ய வேண்டும், இந்த படத்தை எப்படி கொண்டு போகணும், என்று பேசினார். அவர் என்னை அலுவலகத்தில் சந்தித்த மறுநாளே நான் படம் பார்க்க சென்றேன். என்னுடன் இயக்குநர் சீனு ராமசாமி சாரும் வந்திருந்தார். படம் எபப்டி இருக்குமோ என்ற தயக்கத்துடன் தான் பார்த்தோம், ஆனால் ஒரு நேச்சுரலான கிராமத்து கதையை மிக சிறப்பாக சொல்லியிருக்கிறார். நாயகன் ஒரு மாவு மில் வைத்திருக்கிறார், இப்படி பல கதாபாத்திரங்களை ஒன்றிணைத்து அருமையான படத்தை கொடுத்திருக்கிறார். படம் பார்த்த மறுநாளே இந்த படத்தின் தமிழக விநியோக உரிமையை நான் வாங்கி விட்டேன். நிச்சயம் இந்த படம் மிகப்பெரிய வெற்றி பெறும். இந்த படத்தில் நடித்த ஒவ்வொருத்தரும் கடுமையாக உழைத்திருக்கிறார்கள், என்பது படம் பார்க்கும் போது தெரிந்தது. நிச்சயம் இந்த படம் வெற்றி பெறும், எல்லாம் வல்ல ஆண்டவனை பிரார்த்திக்கிறேன், நன்றி.” என்றார்.
தயாரிப்பாளர் ஜியோ ராஜகோபால் பேசுகையில், “இந்த பூலோகத்தில் இருக்கும் எல்லா நாடுகளிலும் ‘சேரநாட்டு யானை தந்தம்’ படத்தை திரையிட்டு வெற்றி பெற வாழ்த்துகிறேன். அத்துடன் லத்திகா புரொடக்ஷன்ஸ் சத்திகா சரி அவர்களுக்கும் நன்றி. பூலோகம் ரவி மேலும் பல படங்களை எடுப்பதற்கான ஆயத்தங்களை செய்து கொண்டிருக்கிறார், அதற்குரிய உதவிகளையும், எங்களால் முடிந்த அளவு செய்ய நாங்கள் கார்த்திருக்கிறோம். இந்த நேரத்தில், அவருக்கு ஒத்துழைப்பு கொடுத்தவர்களுக்கு நன்றி சொல்ல வேண்டும். நான்கு வருடங்களுக்கு முன்பு அவரை சந்தித்த போது இந்த படம் பற்றி சொல்லியிருந்தார். படத்திற்காக பல விசயங்கள் செய்துக் கொண்டிருந்தார். அந்த நேரத்தில் பல இடங்களில், பல தடங்கல்கள் வந்தாலும், அனைத்தையும் முறியடித்து இந்த தூரம் வந்ததற்காக கடவுள்ளுக்கு நன்றி. படம் நிச்சயம் வெற்றி பெறும்.” என்றார்.
நாயகன் மும்பை முத்து பேசுகையில், “பூலோகம் ரவி சர் எனக்கு நடிக்க வாய்ப்பளித்தார். அவர் சொன்னது போல் நடித்திருக்கிறேன். படத்தை பார்த்துவிட்டு எங்களுக்கு ஆதரவளிக்க வேண்டும், என்று கேட்டுக்கொள்கிறேன்.” என்றார்.
இசையமைப்பாளர் ஏ.சி.குமரேசன் பேசுகையில், “அனைவருக்கும் வணக்கம், இந்த படத்திற்காக நான், இயக்குநர் மற்றும் ஹீரோ அனைவரும் பல வருடங்களாக போராடிக் கொண்டிருக்கிறோம். இயக்குநரிடம் எப்போது பணம் இருக்கிறதோ அப்போது தான் பாடல்கள் உருவாகும். அப்படி தான் இந்த பாடல்களை உருவாக்கினோம். இதில், மூன்று பாடல்கல் யுகபாரதி எழுதியிருக்கிறார். அவரை வைத்து பாடல் எழுத வேண்டும் என்று சொன்ன போது இயக்குநர் ரூ.50 ஆயிரத்தில் ஐந்து பாடல்கள் எழுத சொன்னார். எனக்கு அதிர்ச்சியாகி விட்டது, நீங்கள் படங்கள் பார்ப்பதில்லையா, அவர் எவ்வளவு பெரிய பாடலாசிரியர், அவர் எப்படி 50 ஆயிரத்திற்கு எழுதுவார், என்று தோன்றியது. இருந்தாலும் பூலோகம் ரவி என்னை விடவில்லை. அவர் சொன்னது போல் நான் யுகபாரதியை சந்தித்து விசயத்தை சொன்ன போது அவருடம் அதிர்ச்சியாகி விட்டார். பிறகு எப்படியோ சமாளித்து அவரை மூன்று பாடல்கள் எழுத வைத்து விட்டோம். தோழன் இரண்டு பாடல்கள் எழுதியிருக்கிறார். இசையமைப்பாளர் சத்யாவின் மகள் ஒரு பாடல் பாடியிருக்கிறார். இந்த பாடல் படத்தின் கிளைமாக்ஸில் பெரிய தாக்கத்தை ஏற்படுத்தும் விதமாக வந்திருக்கிறது. அவர் ஹம்மிங் பாட வந்த போது, அவரது குரலில் ரெக்கார்டிங் செய்து வைத்துக்கொண்டேன், பிறகு அதை கிளைமாக்ஸில் பயன்படுத்திய போது, அந்த காட்சியின் பலம் அதிகரித்திருக்கிறது. படம் பார்க்கும் போது நீங்கள் அதை உணர்வீர்கள்.
மிகவும் கடினமான ஒரு சூழ்நிலையில் பணியாற்றி படத்தை உருவாக்கியிருந்தாலும், படம் மிக சிறப்பாக வந்திருப்பதோடு, படத்தில் பாடல்கள் அனைத்தும் பாராட்டும்படி வந்திருப்பது மகிழ்ச்சி. படத்தை போல் பாடல்களும் மிகப்பெரிய அளவில் வரவேற்பு பெறும் என்ற நம்பிக்கை இருக்கிறது, நன்றி.” என்றார்.
நடிகர் ராஜசிம்மன் பேசுகையில், “இந்த படத்துல நான் நெகட்டிவ் ரோல் பண்ணி இருக்கேன். இந்த வாய்ப்பைக் கொடுத்த பூலோகம் ரவி அவர்களுக்கு என்னுடைய தாழ்மையான வணக்கங்களை தெரிவித்துக் கொள்கிறேன். ஒருநாள் திடீர்னு போன் பண்ணாங்க போன் பண்ணி இந்த மாதிரி படம் இருக்கு பண்ணனும் வாங்கன்னு சொன்னாங்க. போனோம் நடிச்சோம். அந்த ஷூட்டிங் ஸ்பாட்ல வந்து நிறைய சிச்சுவேஷன்ஸ் வந்து என்னடா இப்படி இவ்வளவு இதா இருக்கு அப்படின்னு யோசிக்கிற அளவுக்கு இருந்துச்சு. அப்போ இங்க வந்து பார்க்கும்போது இதுக்கு முன்னாடியே ஓரளவுக்கு எனக்கு இந்த விஷயங்கள் எல்லாம் தெரிஞ்சிருச்சு. ரொம்ப சிரமப்பட்டு தான் இந்த படத்தை இவங்க முடிச்சாங்க. ஹீரோவுக்கு கால்ல அடிபட்டு பிளேட் வச்சி அவரு ஒரு பாடு பட்டுட்டு இருக்காரு. பயிற்சி பண்ணும் போது அவர் அந்த வலியை பொருட்படுத்தாம நொண்டி நொண்டி செய்து முடித்தார். கால் அடிபடாம அவர் மேல படுத்து புரளனும், என்று மாஸ்டர் சொல்வார். எப்படியோ படத்தை பாடுபட்டு முடித்தோம். இந்த படத்துக்கு பொதுமக்களும் சரி எல்லாருமே ஆதரவு தந்து இந்த படத்தை நல்ல இடத்திற்கு கொண்டு போய் சேர்க்கனும் என்பது தாழ்மையான வேண்டுகோள். மறுபடியும் இந்த டீம் எல்லாருக்குமே என்னுடைய தாழ்மையான வணக்கங்களையும் நன்றிகளையும் தெரிவித்து இந்த வாய்ப்பு அளித்ததற்கு என்னுடைய நன்றிகளையும் வணக்கங்களையும் தெரிவித்துக் கொள்கிறேன்.” என்றார்.
நடிகை பாண்டி அக்கா பேசுகையில், “ஆடம்பரமான விளம்பரங்கள் செய்து, ஆரம்பத்தில் அனைத்தையும் பெருசாக செய்து, பிரமிக்க வைக்கிற மாதிரி ஆரம்பத்தில் அனைத்தையும் செய்து விட்டு, முடிக்கும் போது எளிமையாக முடிப்பவர்கள் மத்தியில், எந்த ஒரு ஆடம்பரமும், ஆர்பாட்டமும் இல்லாமல் எளிமையாக அனைத்தையும் செய்து, சத்தமில்லாமல் ஒரு பிரமிக்க வைக்க கூடிய படத்தை பூலோகம் ரவி சார் எடுத்திருக்கிறார். சினிமாவில் பல வருடங்களாக போராடிட்டு இருக்கும் பூலோகம் ரவி சார், இந்த படத்தை மிக சிறப்பாக எடுத்தது மட்டும் அல்ல, அதை மிக சாதாரணமாக செய்து சாதித்திருக்கிறார். இந்த படத்தை இந்த அளவுக்கு சிறப்பாக கொடுத்த அவரால் மேலும் பல படங்களை சிறப்பாக கொடுக்க முடியும். அவர் நிச்சயம் பெரிய இயக்குநராக வருவார், நன்றி.” என்றார்.
தயாரிப்பாளர் வையாபுரி கணேஷ் பேசுகையில், “இந்த படத்தில் தயாரிப்பாளராக எனக்கு வாய்ப்பளித்த பூலோகம் ரவிக்கு நன்றி. படம் நிச்சயம் வெற்றி பெறும். இந்த படக்குழுவினர் அடுத்தக்கட்டத்திற்கு செல்ல வேண்டும், என்று வாழ்த்துகிறேன். நன்றி.” என்றார்.
தயாரிப்பாளர் விஜயமுரளி பேசுகையில், “இந்த படத்தில் மூன்று நிறுவனங்களின் பெயர்கள் இடம்பெற்று இருக்கிறது. ஹாலிவுட் படங்களில் தான் பல நிறுவனங்கள் பெயர்கள் இருக்கும். ஆனால், பூலோகம் ரவியின் முதல் படத்தில் இப்படி மூன்று நிறுவனங்கள் இருக்கிறது என்றால், இதுவே அவருக்கான வரப்பிரசாதமாக கருதுகிறேன். சிறிய படங்களுக்கு தொடர்ந்து ஒத்துழைப்பு கொடுத்து வரும் ஸ்டண்ட் மாஸ்டர் என்றால் அது ஆக்ஷன் பிரகாஷ் தான். அவரை பாராட்ட வேண்டும்.
ஒரு படம் வெளியாவதற்கு முன்பு தான் பெரிய படம், சிறிய படம் எல்லாம். வெளியாகி வெற்றி பெற்று விட்டால் சிறிய படங்கள் பெரிய படங்களாகி விடும், வெற்றி பெறாத பெரிய படங்கள் சிறிய படங்களாகி விடும். எனவே, சிறிய படம், பெரிய படம் என்று சொல்லாமல் சிறு முதலீட்டு படங்கள் என்று சொல்லுங்கள். ”பிறப்பதும் ஒரு முறை, இறப்பதும் ஒரு முறை, இடையில் ஏன் வன்முறை. நாம் நன்மைகள் செய்வோம் பல முறை” என்ற ஒரு வாசகம் இருக்கிறது. அதற்உ ஏற்ப, இயக்குநர்கள் பேரரசு மற்றும் சுப்பிரமணிய சிவா ஆகியோர் இதுபோன்ற சிறிய படங்களுக்கு தொடர்ந்து ஆதரவளித்து வருகிறார்கள், அவர்களுக்கு நன்றி.
நடிகர்கள் பேசும் போது நிறைய சம்பளம் கொடுத்ததாக சொன்னாங்க. இதுபோன்ற தயாரிப்பாளர்களின் படங்கள் வெற்றி பெற வேண்டும். எனவே நீங்க அனைவரும் படத்தை தியேட்டருக்கு சென்று பார்க்க வேண்டும். இந்த நிகழ்ச்சிக்கு வந்திருக்கும் அனைவரும் படம் வெளியான பிறகு தியேட்டருக்கு சென்று பார்க்க வேண்டும். அதை செஞ்சீங்கன்னா ஒரு தயாரிப்பாளர் நல்லா இருந்தார்னா சினிமாவில் ஒரு நூறு குடும்பம் நல்லா இருக்கும். சோ அந்த தயாரிப்பாளர் நல்லா இருக்கணும் அதுக்கு நீங்க எல்லாம் தியேட்டர்ல போய் படம் பாக்கணும். இந்த படத்தை ஜின்னா வெளியிடுகிறார், என்பதுமே படத்தில் ஏதோ விசயம் இருக்கிறது என்று புரிந்தது. அவர் பல படங்களை வெளியிட்டிருக்கிறார், அனைத்தையும் நியாயமான முறையில் வெளியிடுவார். அவருக்கு சினிமா துறையில் ஒரு நல்ல பெயர் இருக்கிறது, அதை இன்று வரை காப்பாற்றி வருகிறார். திரையுலகிற்கு இப்படிப்பட்ட ஆட்கள் தான் தேவை. அவர்களால் தான் சினிமாவை வாழ வைக்க முடியும். இந்த மாதிரி புது தயாரிப்பாளர்கள் படம் எடுப்பதால் தான் பெப்ஸி தொழிலாளர்களுக்கு வேலை வாய்ப்பு கிடைக்கிறது.
இன்றைய சூழ்நிலையில், படம் வெளியான பிறகு ஒரு காட்சிக்கு 50 டிக்கெட்கள் வாங்க வேண்டி இருக்கு, அந்த ஐம்பது டிக்கெட்டுக்கு ஐம்பது பேரை தியேட்டரில் உட்கார வைக்க வேண்டும். ஆனால், அந்த ஐம்பது பேர் வந்து பார்க்கும்படி படத்தை எடுத்து விட்டோம் என்றால், அவர்கள் வாய்மொழியாக நம் படத்தை விளம்பரம் செய்து ஓட வைத்து விடுவார்கள். அவர்கள் சோசியல் மீடியாக்களில் படம் பற்றி எழுதி படத்தை பெரிய வெற்றி படமாக மாற்றி விடுவார்கள். நீங்க என்ன தான் போஸ்டர் அடிச்சாலும் பேப்பர்ல விளம்பரம் கொடுத்தாலும் ஆட்டோல போட்டா டிவியில் போட்டாலும், இந்த மவுத் பப்ளிசிட்டி மற்றும் சோசியல் மீடியா போல் எதுவும் வராது. இந்த மாதிரி படங்கள் ஓடுறதா இருந்ததுனா ஒரு கட்டுக்கோப்பா இருந்து இந்த படத்துக்கு ஒரு பப்ளிசிட்டி பண்ணா படம் நிச்சயம் வெற்றி பெறும். படம் வெற்றி பெற வாழ்த்துகிறேன்.” என்றார்.
நடிகர் யுவான் சுவாங் பேசுகையில், “இந்த படத்தில் நடிக்க வாய்ப்பளித்த பூலோகம் ரவி சாருக்கு நன்றி. நண்பர் காந்தராஜ் உடன் இணைந்து நடித்திருக்கிறேன். நல்ல கதாபாத்திரம், படம் சிறப்பாக வந்திருக்கிறது. அனைவரும் தியேட்டரில் படம் பார்த்து ஆதரவு அளிக்க வேண்டும் என்று கேட்டுக்கொள்கிறேன், நன்றி.” என்றார்.
பாடகி சினேகா பேசுகையில், “அனைவருக்கும் வணக்கம், இந்த படத்தில் ஒரு பாடல் பாடியிருக்கிறேன். ஆண்டனி சார் பாடிய பாடலிலும் சில வரிகள் பாடியிருக்கேன். எனக்கு இந்த வாய்ப்பளித்த இயக்குநர் மற்றும் இசையமைப்பாளர் குமரேசன் சாருக்கு நன்றி. பாடல் வரிகள் எழுதிய தோழன் சாருக்கும் நன்றி. “ என்று பேசியதோடு அவர் பாடிய பாடலின் சில வரிகளை பாடி காட்டினார்.
இயக்குநர் சுப்பிரமணிய சிவா பேசுகையில், ”’சேரநாட்டு யானை தந்தம்’ சேர நாடு யானைகளுடைய மிகப்பெரிய புகலிடம் இருக்கிறதால அது வந்து கொங்கு மண்டலம் கேரளா சேர்ந்தது சேர நாடுனு உங்களுக்கு தெரியும். சேரன் செங்குட்டுவன் நம்மளுக்கு ரொம்ப புகழ் பெற்ற ஒரு அரசராக இருந்தாங்க. ஆனால், இந்த படம் ஒரு அழகான காதல் கதையை பேசுகிறது. நான் வரும் போது நிறைய பேர் வெளியே நின்றுக் கொண்டிருந்தார்கள், உள்ளே யாரோ பேசி போரடிக்கிறார்கள் போல அதனால் தான் வெளியே நிற்கிறார்கள், என்று நினைத்தேன். ஆனால், உள்ளே வந்த பிறகு தான் இங்கு உட்கார இடம் இல்லை என்பது தெரிந்தது. அந்த அளவுக்கு படத்தின் பி.ஆர்.ஓ விஜய் கார்த்தி மிக அருமையான மனிதர். அனைவரிடமும் அன்பாக பழக கூடியவர், அவருக்காக தான் இந்த நிகழ்ச்சிக்கு நான் வந்தேன். ஏன்னா எப்போதுமே அன்பு சாதாரணமா கிடைக்கிறது இல்லை, எவனெவனெல்லாம் அன்பை வந்து அலட்சியப்படுத்தினான்னா அவன் கடைசி காலத்துல மிகப்பெரிய இழப்பை சந்திப்பான். மனிதன் காதலால் ஆனவன் ரோமியோ ஜூலியட்டாக இருக்கட்டும், நம்ம மணிமேகலை கதையா இருக்கனும் மணிமேகலை என்னுடைய காதல் வந்து உதயகுமார் மிகப்பெரிய காதல் அப்படி ஒவ்வொருவங்களும் காதலால் ஆனவர்கள் தான். மனிதர்கள் காதலை எவன் எல்லாம் துறக்கிறானோ அவன் வந்து கஷ்டப்படுறான். என்ன பாசம் அன்பு எல்லாமே ஒரு காதல் சம்மந்தப்பட்டது தான், ஒரு தாயின் மீது வைத்திருக்கிறது அப்பா அம்மா வச்சிருக்கிறது நண்பர்கள் மீது வைத்திருப்பது என அனைத்தும் அன்பு தான், காதல் தான்.
இயக்குநர் பூலோகம் ரவி மிகச்சிறந்த தலைமை கட்டமைப்பை அமைச்சிருக்கார் என்பது இந்த நிகழ்ச்சியை பார்க்கும் போது தெரிகிறது. அப்படி ஒரு தலைமை பண்புள்ளவன் மிகச்சிறந்த தாய் தந்தையர் மாதிரி இருக்கணும். ஒரு தலைமை பண்புள்ளவன் யாரையும் அலட்சியப்படுத்தக் கூடாது. சினிமாவுல ஒரு டைரக்டரா இருப்பான், எல்லாத்தையும் திட்டுவான். குறிப்பாக தனக்கு கீழ் இருப்பவர்களை அலட்சியமாக பேசுவார்கள். இங்கு அவர் ஒரு சாதாரணமான ஆபீஸ் பாயாக இருக்கலாம், ஆனால் அவர் குடும்பத்தில் அவர் தான் தலைவர், அங்கு என்ன நடக்க வேண்டும் என்பதை அவர் முடிவு செய்வார். எனவே யாரையும் அலட்சியம் செய்ய கூடாது.
பூலோகம் ரவி இயக்கிய இந்த சேரநாட்டு யானை தந்தம் மிகப்பெரிய வெற்றி பெற வேண்டும். சிற படங்கள், பெரிய படங்கள் என்று எதுவும் இல்லை. ஐந்து லட்சத்திற்கும் குறைவான பட்ஜெட்டில் எடுக்கப்பட்ட 16 வயதினிலே படம் தான் இந்திய சினிமாவை புரட்டிப்போட்டது. பாலா இயக்கத்தில் வெளியான ‘சேது’ படத்திற்கு சுமார் 100 வியாபார காட்சிகள் போட்டிருப்பார்கள், அப்படி இருந்தும் அந்த படத்தை யாரும் வாங்கவில்லை. ஆனால், அந்த படம் தமிழ் சினிமாவின் டிரெண்ட் செட்டராக மாறியது. ஒரு விசயத்திற்கு பழக்கப்பட்டவர்கள், புதியதை ஏற்க தயங்குவார்கள், அது பற்றி புரியாது. சிறிய படங்கள் தான் தமிழ் சினிமாவில் பெரிய தாக்கங்களை ஏற்படுத்தியிருக்கிறது. அதுபோல் இந்த படமும் மிகப்பெரிய வெற்றி பெறும் என்ற நம்பிக்கை எனக்கு இருக்கிறது. அனைவருக்கும் வாழ்த்துகள்.” என்றார்.
ஒலி வடிவமைப்பாளர் லக்ஷ்மி நாராயணன் பேசுகையில், “நாங்க எப்போதுமே ஸ்கிரீனுக்கு பின்னாடி தான் இருப்போம். நான் 35 வருடங்களாக இந்த துறையில் பயணித்து வருகிறேன். பல இயக்குநர்களுடன் பணியாற்றியிருக்கிறேன். இந்த படம் மிக சிறப்பாக வந்திருக்கிறது. நிச்சயம் வெற்றி படமாக அமையும், வாழ்த்துகள்.” என்றார்.